राजेन्द्र महतो/
सिरहा माघ ११ गते। सिरहाको कर्जन्हा
नगरपालिकाका एक वडा अध्यक्षलाई कुटपिट गरेको छ।
जिल्लाको कर्जन्हा नगरपालिका -१ का वडा अध्यक्ष मोहन के.सीलाई स्थानीय व्यक्तिहरु संगको बादविवादमा कुटिएको छ।
घर जादै गरेको क्रममा वडा अध्यक्ष के सीको मोटरसाइकल रोकेर कुटपिट गरेको हो।
बुधबार समय ११: बजे कर्जन्हा न.पाका वडा नं १ रतनपुर स्थित कमला नदीको किनारमा चाइनिज कम्पनीले क्रसर उधोग राख्न दिन वा नदिने बिषयमा छलफलको लागि अध्यक्ष सहितको रोहवरमा छलफलमा बसेका स्थानीय व्यक्तिहरुले एक आपसमा बादविवाद गरि वडा अध्यक्षलाई कुटपिट गरेको जिल्ला प्रहरी कार्यालय सिरहाले जनाएको छ।
अध्यक्ष मोहन के.सीलाई टाउको ,अनुहारमा चोटपटक लागेको छ।
अध्यक्ष के.सीलाई कुटपिटमा संलगन ८ जनालाई व्यक्ति लाई नियन्त्रणमा लिइ थप अनुसन्धान गरिरहेको जिल्ला प्रहरी कार्यालय सिरहाका डि एस पी तथा सूचना अधिकारी सुभाष बुढाथोकीले बताए ।
घाइते भएको अध्यक्षको उपचार कर्जन्हा स्थित फुल कुमारी मा सम्भावना नभएको हुनाले काठमाडौ उपचारको लागि लगिएको जिल्ला प्रहरी कार्यालय सिरहाले जनाएको छ।